Ադրբեջանի կողմից հրադադարի խախտման հերթական դեպքը վերլուծվում է խաղաղապահ զորակազմի հրամանատարության հետ՝ Հայաստանի հանրային ռադիոյին ասել է Արցախի Հանրապետության նախագահի մամուլի քարտուղար Լուսինե Ավանեսյանը:
«Ադրբեջանի կողմից հրադադարի խախտման հերթական կոպիտ դեպքն է արձանագրվել այսօր Մարտակերտ քաղաքի մերձակայքում։ Թիրախավորվել է գյուղատնտեսական աշխատանք կատարող քաղաքացիական անձը», — նշել է Ավանեսյանը:
«Դեպքը մանրամասն վերլուծվում է խաղաղապահ զորակազմի հրամանատարության հետ` շփման գծի մերձակա տարածքներում անվտանգության հավելյալ միջոցառումների ձեռնարկման և հրադադարի խախտման դեպքերը բացառելու նպատակով»,- հայտնել է մամուլի քարտուղարը:
