Ինչպես տեղեկացավ InterLur.com լրատվական գործակալությունը Շիրակի մարզպետարանի լրատվության բաժնից՝ ընթացքի մեջ է ՀՀ Շիրակի մարզի Պեմզաշեն համայնքի փողոցների գիշերային լուսավորության ցանցի անցկացում սուբվենցիոն ծրագրը, որի ընդհանուր գումարը կազմում է՝ 13.500.000 դրամ: Պետության համաֆինանսավորումը կազմում է 60%, համայնքի համամասնությունը 40%։ Նախատեսվում է տեղադրել 80 լուսակիր 60վտ հզորությամբ․ Պեմզաշեն համայնքում կլուսավորվի 2,5 կմ երկարությամբ ներհամայնքային փողոց։ Ծրագրի շրջանակներում ստեղծվել է ութ ժամանակավոր աշխատատեղ:
