Ֆեյսբուքյան օգտատեր Անդրանիկ Ավետիսյանը գրում է․
Վտանգավոր խաղ է սկսվել։ Եկեք ֆիքսենք, որ գործի է դրվել հին և աշխատող, բավականին պարզ և տրամաբանական, սակայն ոչ պակաս վտանգավոր և անկառավարելի ներուժով լի քաղաքական տեխնոլոգիա ընդդեմ գործող իշխանության:
Մալաթիա-Սեբաստիայում միանգամից 5 կանգառ ջարդուփշուր արած անհայտ անձանց հերոս ու լավ տղա համարողներին զուգահեռ, գուցե և միասին, ֆեյսբուքում փաստացի գոյություն ունի և ակտիվ գործունեություն է ծավալում մի տեսակ ֆեյքերի ֆաբրիկա, որին միավորող գործոնը իրենց պրոֆիլներում, էջերում և խմբերում ՀՀ վարչապետին ոչ միայն աստվածացնող, այլ նաև ՀՀ վարչապետին որպես Աստված և Հիսուս ուղղված աղոթքներով և ձևափոխված սրբապատկերներով լուսանկարներն են, չնայաց նրան, որ անձամբ ոչ միայն չեն մասնակցել Թավշյա Հեղափոխությանը, այլ նաև որպես ՀՀ վարչապետի և հեղափոխական արժեքների ջատագով, հեղափոխությանը կամ ՀՀ վարչապետին նպաստող որևէ նշանակալի նյութով գոնե ֆեյսբուքյան իրականության մեջ աչքի չեն ընկել։
Ասեմ ավելին, ՀՀ վարչապետի և հեղափոխության անունից առանց որևէ պատճառ պարզապես հայհոյում են, ինչը որոշ շրջանակների կողմից ընկալվում է որպես Հեղափոխության և ՀՀ Վարչապետի խոսք և պատասխան, որը շատ տրամաբանական կերպով առաջացնում է բուռն վրդովմունք, այլ կերպ ասած` բռնությունը ծնում է նոր բռնություն:
Նապատակն է, վարկաբեկել գործող իշխանությանը, Թավշյա Հեղափողությունը և հեղափոխական արժեքները, ինչպես նաև ՀՀ Վարչապետին․․․