Վրաստանում արձանագրվել է կորոնավիրուսի 44 նոր դեպք: Այս մասին տեղեկությունը քիչ առաջ թարմացվել է կառավարության կողմից ստեղծված stopcov.ge կայքում:
Այսպիսով, այս պահի դրությամբ Վրաստանում հաստատված է նոր կորոնավիրուսի 1773 դեպք:
Ապաքինվել է ևս չորս պացիենտ և ապաքինվածների ընդհանուր թիվը կազմել է՝ 1325։
Բացի այդ, արտասահմանից բուժման նպատակով Վրաստան է տեղափոխվել 41 քաղաքացի: Կորոնավիրուսի հետևանքով մահացել է 19 մարդ:
Կարանտինի ռեժիմում է մնում 5 882, իսկ ստացիոնար հսկողության տակ՝ 390 մարդ:
Վաղվանից Վրաստանում արգելվելու են հոբելյանները, հարսանիքները, հոգեհացերը և այլ ծիսական միջոցառումները,- այս մասին կառավարության վարչակազմի ղեկավար, Նաթիա Մեզվրիշվիլին հայտարարել է համակարգող խորհրդի նիստից հետո:
Նրա խոսքով, նշված այսպես կոչված սոցիալական միջոցառումները արգելվելու են ինչպես փակ այնպես էլ բաց տարածքներում:
«Կարևոր որոշում է կայացվել այսպես կոչված սոցիալական միջոցառումների վերաբերյալ, ինչպիսիք են՝ հոբելյանները, հարսանիքները, հոգեհացերը և այլ ծիսական միջոցառումները: Հաշվի առնելով համավարակաբանական իրավիճակը, որոշում է կայացվել, որ վաղվանից արգելվեն սոցիալական այդ միջոցառումները: Դա նշանակում է, որ վաղվանից արգելվելու են հոբելյանները, հարսանիքները, հոգեհացերը և այլ ծիսական միջոցառումները»,- ասել է Մեզվրիշվիլին:
Ինչ վերաբերում է մարզական միջոցառումներին, ապա գոյություն ունեցող իրավիճակի նախատեսմամբ, որոշում է կայացվել, որ կարգելվեն մշակութային և մարզական միջոցառումները, որին մասնակցում է ավելի քան 200 մարդ:
Ըստ նրա, այդ նորմերը չկատարելու համար նախատեսված են համապատասխան տուգանքներ:
Հնարավորինս խստացվելու է վերահսկողությունը շնչադիմակ կրելու վերաբերյալ, ինչպես նաև ակտիվանալու է կատարողականությունը,- այս մասին կառավարության վարչակազմի ղեկավար, Նաթիա Մեզվրիշվիլին հայտարարել է, համակարգող խորհրդի նիստից հետո կայացած ճեպազրույցում:
Նրա խոսքով առավելագույնս խստացվելու է շնչադիմակ կրելու կարգի կատարողականությունը, այդ թվում ՝ հասարակական տրանսպորտում, վերելակներում և փակ միջոցառումներում:
«Մենք քաղաքացիներին կոչ ենք անում հնարավորինս պահպանել կանոնները: Ցուցադրել բարձր քաղաքացիական պատասխանատվություն, կրել շնչադիմակ և պաշտպանել սոցիալական հեռավարությունը: Հատկապես կարևոր է շնչադիմակ կրելու պահանջը, որի վերահսկողությունը լինելու է ավելի խիստ: Այդ հարցով ակտիվորեն աշխատելու են և՛ ոստիկանությունը, և՛ աշխատանքային տեսչությունը:
Ինչպես գիտեք, այսօրվա դրությամբ շնչադիմակ կրելու պահանջը գործում է ինչպես հասարակական տրանսպորտում, այնպես էլ փակ տարածքներում: Ուստի մենք կոչ ենք անում քաղաքացիներին հնարավորինս պահպանել կանոնները»,- ասել է Նաթիա Մեզվրիշվիլին:
Աղբյուր՝ https://1tv.ge/am/