Վրաստանում արձանագրվել է կորոնավիրուսով վարակման 152 նոր դեպք: Այս մասին տեղեկությունը քիչ առաջ թարմացվել է կառավարության կողմից ստեղծված stopcov.ge կայքում։
Այսպիսով, այս պահի դրությամբ Վրաստանում հաստատված է նոր կորոնավիրուսի 2227 դեպք:
Ապաքինվել է ևս 6 պացիենտ և ապաքինվածների ընդհանուր թիվը կազմել է՝ 1369։
Կորոնավիրուսի հետևանքով մահացել է 19 մարդ։
Կարանտինի ռեժիմում գտնվում է 5 882 քաղաքացի, իսկ ստացիոնարում դիտարկման տակ է 390 մարդ:
Բացի այդ, արտասահմանից բուժման նպատակով Վրաստան է տեղափոխվել 41 քաղաքացի:
Աղբյուր՝ 1tv.ge
Հիշեցնենք որ նախօրեին 158 նոր դեպք էր հաստատվել։ Մասնագետներն արդեն խոսում են վարակի նոր բռնկման մասին։ Ըստ վարակաբանների` հիվանդացության բարձր ցուցանիշը ներքին տուրիզմի ակտիվացման ու համաճարակային կանոններն անտեսելու հետևանք է։