Վայոց ձորի մարզում տեղի է ունեցել հերթական զորակոչը :Հուլիսի 13-ին ՀՀ ՊՆ Զ և ԶՀԾ Վայոց ձորի մարզային ստորաբաժանման Եղեգնաձորի բաժանմունքից Հայոց բանակ են ճանապարհվել մարզի նորակոչիկները:
ՀՀ Վայոց ձորի մարզպետ, մարզային զորակոչային հանձնաժողովի նախագահ Արարատ Գրիգորյանը, ՀՀ ՊՆ զորակոչային և զորահավաքային համալրման ծառայության Վայոց ձորի տարածքային ստորաբաժանման ղեկավար, գնդապետ Արմեն Նահապետյանը, ՀՀ զինվորական դատախազության Եղեգնաձորի կայազորի զինվորական դատախազ Գրիգոր Էլիզբարյանը, ՀՀ ԱԻՆ ՓԾ Վայոց ձորի մարզային փրկարարական վարչության պետ Հակոբ Սարգսյանը, մարզպետարանի գլխավոր քարտուղար Արսեն Կարապետյանը, համայնքների ղեկավարները Եղեգնաձորում ներկա են գտնվել պարտադիր զինվորական ծառայության մեկնող նորակոչիկների հերթական խմբի ճանապարհման արարողությանը:
Ներկաները հնչեցրել են շնորհավորանքի և բարեմաղթանքի խոսքեր՝ ուղղված նորակոչիկներին և նրանց հարազատներին:
Վայոց ձորի մարզում 2021 թվականի ամառային զորակոչը կշարունակվի մինչև օգոստոս ամիսը:
