Երաժշտություն, նվերներ, շնորհավորանքներ և բարձր տրամադրություն: Երևանի մետրոպոլիտենը վերածվել է մանկության մոլորակի, ուր գերիշխել են միայն ուրախ տրամադրությունն ու հեքիաթային վառ գույները:
«Կարեն Դեմիրճյանի անվան Երևանի մետրոպոլիտեն»-ի մամուլի ծառայությունից հայտնում են, որ Երեխաների իրավունքների պաշտպանության միջազգային օրվա կապակցությամբ մեր մայրաքաղաքի փոքրիկ ուղևորներին հեքիաթային գնացքով հյուր են եկել մուլտհերոսներն ու ծաղրածուները:
Օրվա հերոսները տոնական գնացքով ուղևորվել են դեպի մետրոպոլիտենի «Հանրապետության հրապարակ» կայարան, որտեղ էլ նրանց սպասել են անակնկալներ։
«Մետրոպոլիտենի յուրաքանչյուր անկյունում տիրում էր տոնական տրամադրություն: Հունիսմեկյան տոնի առթիվ Երևանի մետրոպոլիտենի ողջ անձնակազմի մաղթանքը երեխաներին մեկն է` խաղաղ, անհոգ և երջանիկ մանկություն, բարօրություն և արժանապատիվ ապագա»,- ասվում է հաղորդագրությւոնում:
