Թբիլիսիի կենտրոնում՝ հեղինակավոր Վակե թաղամասի Գոգեբաշվիլի փողոցում, սպանվել է տղամարդ, հայտնում է «Ռուսթավի 2» հեռուստաալիքը։
Նշվում է, որ տուժողն ինքն է հարձակում նախապատրաստել մեկ այլ մարդու վրա, սակայն վերջինիս թիկնապահն արձագանքել է պատասխան կրակոցով:
Բացի այդ, տեղում վիրավորվել է երկու մարդ՝ պատահական անցորդն ու մահափորձի հավանական զոհը։ Վարկածներից մեկի համաձայն՝ հրաձգությանը նախորդել է զանգվածային ծեծկռտուք։
Այս պահին տեղում մոբիլիզացված է ոստիկանությունը, աշխատում են փորձագետներ։
Վրաստանի ՆԳՆ-ն դեռևս որևէ մեկնաբանություն չի տվել լրատվամիջոցներին։