Սեպտեմբերի 19-ին՝ ժամը 12:00-ին, մարզում կկայանա տարվա ամենագունեղ ու «համեղ» միջոցառումը՝ «Բերքի տոնը»:
Այն տեղի կունենա մարզում գործող «Արարատ Ֆրութս» գյուղմթերքի շուկայում, որին իրենց այգու բարիքներով մասնակից կլինեն քաղաքացիներ՝ ՀՀ բոլոր մարզերից: Հրավիրված են նաև պետական պաշտոնյաներ:
Ի դեպ, «Բերքի տոնի» կապակցությամբ վաճառատեղերը գյուղացիներին տրամադրվելու են անվճար:
Միջոցառումը կազմակեպվել է Արարատի մարզպետարանի և «Արարատ Ֆրութս» ընկերության համատեղ ջանքերով:
Սիրով սպասում ենք բոլորիդ մասնակից լինել գեղեցիկ և ուրախ այս միջոցառմանը:
