Երևանի քաղաքապետարանի գործակարգավարական նիստի ընթացքում քաղաքապետ Հրաչյա Սարգսյանը մի շարք հանձնարարականներ է տվել և հետաքրքրվել մյուսների ընթացքով:
Այսպես, Սարյանի պուրակը կկանաչապատվի նոր լուծումներով: Այս շաբաթվա ընթացքում կտնկվի շուրջ 4000 գեղազարդ թուփ, կձևավորվի չորս ծաղկանոց: Մինչ ոռոգման տարեշրջանի մեկնարկы այս պահին տարածքի ոռոգման ցանցի կարգաբերման միջոցառումներ են ընթանում:
«Էկոքարս» ընկերության կողմից մայրաքաղաքում ապօրինի տեղադրված էլեկտրամոբիլային լցակայանները, որոնք ապամոնտաժվել էին, կտեղադրվեն այլ վայրերում: Հանձնարարվել է շահագրգիռ կողմերի հետ քննարկել և առաջարկել այնպիսի վայրեր, որոնք և՛ հասանելի, և՛ հարմարավետ կլինեն վարորդների համար: Հարկ է նշել, որ լցակայանները նվիրաբերել է Ուկրաինայի հայերի միությունը, և դրանց տնօրինումը վստահվել էր «Էկոքարս» ընկերությանը:
Քաղաքապետի մեկ այլ հանձնարարականով՝ Ա. Սպենդիարյանի անվան օպերայի և բալետի ազգային ակադեմիական թատրոնի շենքը կլուսավորվի նորովի: Քաղաքապետն առաջարկվել է ՄԱԿ-ի գործընկերների հետ միասին աշխատանքներում ներգրավել նաև դիզայներների, որպեսզի շենքի գեղարվեստական լուսավորությունն ինքնատիպ լուծում ստանա:
