«Քաղաքացիական պայմանագիր» կուսակցության արտաքին կապերի պատասխանատու, ՀՀ աշխատանքի և սոցիալական հարցերի նախարար Նարեկ Մկրտչյանը հանդիպել է Ֆրանսիայի իշխող «Վերածնունդ» կուսակցության անդամ, Ֆրանսիայի խորհրդարանի Ֆրանսիա-Հայաստան բարեկամական խմբի նախագահ տիկին Անն-Լորանս Պետելի հետ։ Այս մասին տեղեկանում ենք նախարարի ֆեյսբուքյան էջից։ «Քննարկել ենք երկու կուսակցությունների միջև համագործակցություն սահմանելու հնարավորությունները, ինչպես նաև պայմանավորվել ենք շարունակել երկխոսությունը՝ փոխըմբռնման միջկուսակցական հուշագիր ստորագրելու ուղղությամբ»․- գրել է Մկրտչյանը։