Արաբկիր վարչական շրջանի առևտրի, ծառայությունների և գովազդի բաժնի աշխատակիցները ոստիկանության Արաբկիրի բաժնի աշխատակիցների հետ համատեղ պարբերաբար շրջում են Արաբկիրում, բացատրական աշխատանքներ տանում ապօրինի առևտրով զբաղվող քաղաքացիների շրջանում՝ հորդորելով խուսափել չթույլատրված վայրերում առևտուր իրականացնելուց, հետևաբար նաև՝ վարչարարությունից։
Արաբկիրի համայնքապետարանից հայտնում են, որ փողոցային առևտուրը կանխելուն միտված շրջայցերը լինելու են շարունակական։
