Վարչապետ Նիկոլ Փաշինյանի որոշմամբ կառավարությունը կձևավորի միջգերատեսչական հանձնաժողով՝ զոհված, հաշմանդամ դարձած զինծառայողների և աշխարհազորայինների, ծնողազուրկ ու uակավ ապահովված բազմազավակ ընտանիքների 7-13 տարեկան դպրոցահաuակ երեխաների այս տարվա ամառային հանգիստը կազմակերպելու նպատակով: Այդ մասին  որոշումը հրապարակվել է ՀՀ կառավարության e-gov.am կայքում:

Ըստ որոշման՝ 2022 թ. հուլիսի 1-ից նշված սոցիալական խմբերին դասվող ընտանիքների 7-13 տարեկան երեխաների ամառային հանգիստը կազմակերպվելու է երկու հերթափոխով, 20-ական օրով: Երեխաները հանգստանալու են առողջարարական ճամբարներում: Այդ կապակցությամբ հանձնաժողովը միջազգային մարդասիրական կազմակերպությունների հետ համատեղ քննության է առնելու մանկական առողջարարական ճամբարները uննդամթերքի, մանկական պարագաների լրացուցիչ քանակությամբ և տեuականիով ապահովելու հարցը: