Սփյուռքահայ պատանիների «Քայլ դեպի տուն» ծրագրի հայտադիմումների ընդունումից 5 օր անց արդեն 150 հայտ է ստացվել: Այս մասին տեղեկացնում է Սփյուռքի գլխավոր հանձնակատարի գրասենյակի ֆեյսբուքյան էջ:
Դիմել են պատանիներ ԱՄՆ-ից, Կանադայից, Ֆրանսիայից, Իսպանիայից, Գերմանիայից, Ռուսաստանից, Վրաստանից, Ուկրաինայից և Բելառուսից:
Հայտադիմումների լրացման գործընթացում այս տարի նորություններ կան: Նախքան հայտը լրացնելը պետք է պատրաստել ծնողի կողմից հաստատման նամակը, որը հնարավոր է ներբեռնել հետևյալ հղմամբ՝ https://bit.ly/3qOsK1X:
Գրառման մեջ նաև ասված է.
«Մի մոռացեք նաև նկարահանել մոտիվացիոն տեսանյութ՝ ներկայացնելով ինքդ քեզ և պատասխանելով այն հարցերին, թե ինչու ես ուզում մասնակցել ծրագրին և ինչ ակնկալիքներ ունես:
Հայտադիմումը լրացնելու և մյուս բոլոր մանրամասներն ընթերցելու համար այցելեք մեր կայք՝ http://diaspora.gov.am/hy/programs/24/qayl_depi_tun»: