Ճապոնիա աշխատանքային այցի ընթացքում Հայաստանի Հանրապետության նախագահ Արմեն Սարգսյանն այսօր Տոկիոյի օլիմպիական մարզադաշտում հետևել է ամառային օլիմպիական խաղերում մեր երկիրը ներկայացնող մարմնամարզիկ Արթուր Դավթյանի մրցելույթին։ Մարզիկը հանդես է եկել հենացատկի որակավորման փուլում և բարձր միավորներ վաստակել։
Նախագահ Սարգսյանը լրագրողների հետ զրույցում նշել է, որ տպավորված է մեր մարզիկի ելույթով, և Հայաստանի օլիմպիական հավաքականին հաջողություններ է մաղթել։ «Սպորտը լավագույն ձևերից մեկն է աշխարհին ներկայանալու և աշխարհի հետ ծանոթանալու համար։ Օլիմպիական խաղերին մասնակցելն ինքնին արդեն հսկայական հաջողություն է։ Պատկերացրեք՝ գործ ունենք երիտասարդ մարդկանց հետ, որոնք իրենց կյանքը ներդնում են նպատակին հասնելու համար»,-նշել է նախագահ Սարգսյանը։
Ափսոսում եմ, որ ժամանակ չեմ գտնում սպորտով զբաղվելու՝ Տոկիոյում լրագրողների հետ զրույցում ասել է ՀՀ Նախագահ Արմեն Սարգսյանը: Նախագահը Ճապոնիայի մայրաքաղաքում հետևում էր մարմնամարզիկ Արթուր Դավթյանի ելույթներին որակավորման փուլում: «Արթուր Դավթյանի ելույթով հիացած եմ ու հպարտ. երկրորդ թռիչքը ֆանտաստիկ էր, շատ տպավորված եմ: Հուսով եմ՝ Արթուրը հայրենիք կվերադառնա մեդալով», — նշել է նախագահը: «Իհարկե միշտ հպարտ ես, երբ հայկական եռագույնը ինչ-որ տեղ տեսնում ես: Երբ Օլիմպիական խաղերի բացմանը մեր մարզիկները մտան մարզադաշտ, ուրիշ ցանկություն չունեի բացի ոտքի կանգնելուց և մյուսների հետ «Հայաստան» վանկարկելուց», — նշել է նախագահը: Ըստ նախագահի՝ սպորտը լավագույն ձևերից մեկն է՝ աշխարհին ներկայանալու և աշխարհի հետ ծանոթանալու:
