Վազգեն Սարգսյանի անվան ռազմական համալսարանում մեկնարկել է սպա-հոգեբանների եռամսյա վերապատրաստման ծրագիրը, որի համար համալսարանում սեպտեմբերի 1-ին բացվել է հատուկ դասասենյակ։ Այս մասին InterLur.com լրատվական գործակալությունը տեղեկացավ ՀՀ ՊՆ լրատվության բաժնից։ Տարածված հաղորդագրությունում մասնավորապես ասվում է․
ԶՈՒ բարոյահոգեբանական ապահովման վարչության, զորքերի հոգեբանական ապահովման բաժանմունքի պետ, փոխգնդապետ Սամվել Բարոյանը նշել է, որ այս ծրագրով սպա-հոգեբանները հնարավորություն կունենան կատարելագործել և զարգացնել իրենց մասնագիտական հմտություններն ու ունակությունները։ Փոխգնդապետ Բարոյանը կարևորել է նաև հոգեբանի առկայությունը զինված ուժերում՝ նշելով, որ նա նպաստում է զինվորական կարգապահության բարձրացմանն ու զորամասում անցանակալի դեպքերի կանխարգելմանը։