ՀՀ վարչապետի պաշտոնակատար Նիկոլ Փաշինյանի որոշմամբ, Մեղրի համայնքը ղեկավարի նոր պաշտոնակատար ունի: Համապատասխան որոշման մեջ ասվում է.
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 27-րդ հոդվածի 1-ին մասով՝ Արարատ Թումանյանին նշանակել Հայաստանի Հանրապետության Սյունիքի մարզի Մեղրի համայնքի ղեկավարի պաշտոնակատար:
Արարատ Թումանյանը ՔՊ Մեղրիի տարածաշրջանի պատասխանատուն է։
Հիշեցնենք, Մեղրիի նախկին քաղաքապետը՝ Մխիթար Զարքարյանը հրաժարական է տվել օրեր առաջ: Նա «Հայաստան» դաշինքով պատգամավորի թեկնածու է և ըստ տեղեկությունների, մտադիր է վերցնել մանդատը: Մխիթար Զաքարյանն այժմ կալանավորված է և անցնում է պաշտոնական լիազորությունները չարաշահելու քրեական գործով:
