ՀՀ Արմավիրի մարզպետ Համբարձում Մաթևոսյանը Պաշտպանության նախարարության մարշալ Հովհաննես Բաղրամյանի անվան ուսումնական զորամասի հրամանատարական կազմի և այլ պաշտոնյաների հետ միասին երեկ ներկա է գտնվել զորամասում կառուցված մատուռի բացման և օծման հանդիսավոր արարողությանը, որն իրականացրել են Արմավիրի թեմի առաջնորդ Տեր Սիոն արքեպիսկոպոս Ադամյանը, Մայր Աթոռ Սուրբ Էջմիածնի Վանական խորհրդի ատենապետ և Մայր Տաճարի լուսարարապետ Տեր Մուշեղ եպիսկոպոս Բաբայանը և Արցախի թեմի առաջնորդ Տեր Վրթանես եպիսկոպոս Աբրահամյանը:
Զինվորների հոգևոր և գաղափարական դաստիարակությանը նպաստող աղոթավայրը կառուցվել է զորամասի հրամանատարական կազմի նախաձեռնությամբ: Մատուռի հեղինակն է ճարատարապետ Խաչիկ Դանիելյանը:
