«Մենք ցանկանում ենք բարձրացնել մարզպետների հաշվետվողականության մակարդակը, ավելի արդյունավետ գնահատել նրանց աշխատանքային գործունեությունը, ավելի արդյունավետ կառավարչական համակարգ ներդնել»,- այսօր՝ հուլիսի 1-ին, Ազգային ժողովի արտահերթ նիստում «Տարածքային կառավարման» օրենքում փոփոխություններ կատարելու մասին օրինագծի երկրորդ ընթերցմամբ քննարկմանը հայտարարեց նախագծի համահեղինակ, «Իմ քայլը» խմբակցության պատգամավոր Գևորգ Պապոյանը:
Ինչպես նշեց պատգամավորը, մարզպետները հաշվետու են լինելու նաև այն փոխվարչապետին, ով համակարգելու է ոլորտը:
