Կոտայքի մարզը պատրաստվում է մարզի մանկապատանեկան ճամբարներում ամբողջ հանրապետությունից հյուրընկալել շուրջ 3200 երեխաների:

Զոհված, հաշմանդամություն ունեցող զինծառայողների և աշխարհազորայինների, ծնողազուրկ ու անապահով բազմազավակ ընտանիքների երեխաների ամառային հանգիստը պետական հոգածությամբ կիրականացվի 2 հերթափոխով, 20 օր տևողությամբ՝ յուրաքանչյուր հերթափոխում 1600 երեխա:

Կոտայքի մարզպետ Ահարոն Սահակյանի հանձնարարությամբ մինչ ծրագրի մեկնարկը Կոտայքի մարզպետարանի առողջապահության և սոցիալական ապահովության վարչության մասնագետների կողմից իրականացվել է շրջայց:

Հրազդանի բժշկական կենտրոնի տնօրեն Կարեն Սահակյանի կողմից ներկայացվել է ճամբարների բժշկական սպասարկման կարգը, ինչպես նաեւ մեկուսարանի պատշաճ վիճակի ապահովման, բավարար հագեցվածության, սպասարկող բուժ. անձնակազմի, սենքի բարեկարգման ուղղությամբ տարվող աշխատանքները։