ԿԽՄԿ հայաստանյան ներկայացուցչությունը X-ի (նախկին Թվիթեր) իր միկրոբլոգում տեսանյութ է հրապարակվել Ստեփանակերտից՝ պատմելով քաղաքում մնացած վերջին բնակիչների տարհանման մասին։
«Տասնյակ հազարավոր մարդիկ լքել են իրենց տները։ Բայց ամենախոցելիները, այդ թվում՝ տարեցները, հիվանդներն ու հաշմանդամները, չեն կարող հեշտությամբ հեռանալ։ Մեր թիմերը բարձրախոսներով քայլում էր փողոցներով՝ գտնելու նրանց, ովքեր օգնության կարիք ունեն կամ ցանկանում են տարհանվել», - գրված է տեսանյութին կից։
Տեսանյութում ներկայացված են կադրեր Սյուզաննա անունով մի միայնակ տարեց կնոջ մասին, ով քաղցկեղի պատճառով գամված էր անկողնուն ու չի կարողացել ժամանակին տարհանվել Արցախից։ ԿՄԽԿ աշխատակիցներն օգնել են կնոջը՝ դուրս բերելով վերջինիս բնակարանից և շտապօգնության մեքենայով տարհանելով Արցախից։
