Կառավարությունում ստեղծվել է աշխատանքային խումբ՝ «Գագարին» ներդրումային ծրագրի վրա աշխատելու համար։ Այդ մասին ասված է ՀՀ էկոնոմիկայի նախարար Վահան Քերոբյանի Ֆեյսբուքի էջում:
«Ծրագիրը բարդ է, հավակնոտ և ռիսկային, բայց «Դար» հիմնադրամի թիմի, հոլանդական MVRDV-ի և խոշոր ինստիտուցիոնալ ներդրողների հետ այսպիսի ծրագիր իրագործելը մեծ պատասխանատվություն ու պատիվ է, իսկ թիրախավորված արդյունքը՝ բեկումնային»,- նշված է գրառման մեջ։
