ՀՀ պաշտպանության նախարար Դավիթ Տոնոյանը Եռաբլուրում լրագրողների հետ զրույցում անդրադարձավ Ադրբեջանի նախագահի հայտարարությանը, թե բանակցությունները որպես այդպիսին տապալված են։
Դե եթե չի բանակցում, ուրեմն իր համար գոյություն չունեն,- կարճ արձագանքեց Տոնոյանը։
Դիտարկմանը, թե Իլհամ Ալիևը հայկական կողմին է մեղադրում այդ հարցում, Տոնոյանն արձագանքեց. «Իրականության մեջ բա հո ինքն իրեն չի մեղադրելու։ Ինքն իրեն պետք է մեղադրի, մեղադրում է հայկական կողմին»։
Դավիթ Տոնոյանը կոչ արեց անհոգ լինել, «Մենք ուժեղ ենք, տոկուն ենք, միայն ու միայն հաղթանակներ ենք ունենալու»,- վստահեցրեց նա։
ՀՀ անկախության 29-րդ տարեդարձի առիթ շնորհավորելով հայ ժողովրդին՝ Դավիթ Տոնոյանն ասաց. «Մաղթում եմ մեր ժոովրդին ուժ և տոկունություն, հաղթահարելու է բոլոր փորձությունները, որոնք կարող է ունենալ, հնարավոր ու կանխատեսելի է։ Վստահ եմ, որ մեր ժողովուրդը միայն ու միայն հաղթանակներ է կրելու, որովհետև մեր ցանկացածը, մեր կամեցածը միայն արդար է»։
Տեսանյութը՝ Ֆակտոր-ի