Ապրիլի 27-28-ը պաշտոնական այցով Հայաստանում է գտնվելու Ֆրանսիայի Եվրոպայի և արտաքին գործերի նախարար Կատրին Կոլոնան: Այս մասին տեղեկացնում է ՀՀ ԱԳՆ-ն: Ապրիլի 27-ին ՀՀ ԱԳՆ-ում կկայանա ԱԳ նախարար Արարատ Միրզոյանի և Կատրին Կոլոնայի հանդիպումը, որին կհետևի համատեղ մամուլի ասուլիս:
Ֆրանսիայի ԱԳ նախարար Կատրին Կոլոննան ավելի ուշ եղել է Բաքում, նա բացի Երևանից կայցելի նաև Թբիլիսի։
«Բաքու ժամանումով մեկնարկեց իմ կովկասյան այցը Ադրբեջան, Հայաստան, ապա Վրաստան: Ֆրանսիան գիտակցում է տարածաշրջանում խաղաղության պահպանման ողջ կարևորությունը և վճռական է տրամադրված այս հարցում: Սա մեսիջ է, որը ես փոխանցելու եմ», – Twitter-ում գրել է Կոլոննան։