Ապրիլի 15-ին Լոս Անջելեսում ՀՀ գլխավոր հյուպատոսությունում Արտակարգ դեսպանորդ և լիազոր նախարար Նելլի Սարոյանը և խորհրդական Վարազդատ Պահլավունին հանդիպեցին Գլենդեյլի նորանշանակ քաղաքապետ Արդի Քասախյանի հետ։ Դեսպանորդ Նելլի Սարոյանը շնորհավորելով Արդի Քասախյանին Գլենդեյլի քաղաքապետի պաշտոնում ընտրվելու կապակցությամբ, նրան մաղթեց հաջողություններ և արդյունավետ աշխատանք։ Քննարկվեցին Գլենդեյլ քաղաքի և Հայաստանում քույր քաղաքների միջև համագործակցության զարգացման և նոր ծրագրեր իրականացնելու հետ կապված հարցեր։