Ինչպես տեղեկացավ InterLur.com լրատվական գործակալությունը ՀՀ Ոստիկանության լրատվության բաժնից՝ սեպտեմբերի 13-ին, ժամը 18.45-ի սահմաններում, Մեղրի-Երևան ճանապարհի 341-րդ կմ-ին «ԲՄՎ 316» մակնիշի ավտոմեքենան բախվել է «Մերսեդես Բենց Սպրինտեր» մակնիշի ավտոմեքենայի, ապա՝ ճամփեզրի վաճառակետին. վաճառակետում գտնվող 36-ամյա Ռադիկ Թորոսյանը մահացել է, իսկ 33-ամյա քաղաքացին, «Մերսեդես Բենց Սպրինտերի» 36-ամյա վարորդը, «ԲՄՎ 316-ի» 31-ամյա վարորդը և երեք ուղևորները մարմնական վնասվածքներով տեղափոխվել են հիվանդանոց: Կատարվում է քննություն։