Աշխարհում կորոնավիրուսով վարակման դեպքերը գերազանցել են 25 միլիոնը: Համավարակը խլել է 846 հազար մարդու կյանք: Վարակից ապաքինվել է 17,5 միլիոն մարդ:

«Կովիդ 19»-ով վարակման և մահվան ցուցանիշով առաջին տեղում կրկին Ամերիկայի Միացյալ Նահանգներն են՝ 6 միլիոն գրանցված դեպքով: Երկրորդ տեղում Բրազիլիան է ՝ 3.8 միլիոն դեպքով, իսկ երրորդ տեղում 3,5 միլիոն հաստատված դեպքով Հնդկաստանն է:

Վերջին օրերին վարակման դեպքերի կտրուկ աճ է գրանցվել արևմտյան Եվրոպայում, ինչը մասնագետները կապում են արձակուրդային շրջանի հետ: Այդ պատճառով որոշ երկրներ ստիպված են եղել խստացնել սահմանափակումները:

Սահմանների փակման որոշում են կայացրել Ուկրաինայում, որտեղ կորոնավիրուսով վարակման դեպքերն ամեն օր սահմանում են նոր ռեկորդներ:

Ռուսաստանում կորոնավիրուսով վարակվածների թիվը մոտենում է մեկ միլիոնի: Մահացել է 17 025 մարդ:

Աղբյուր՝ 1tv.ge