Ինչպես տեղեկացավ InterLur.com լրատվական գործակալությունը Հայաստանի Հանրապետության վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի «Տեղեկատվության ստուգման կենտրոն» հարթակից՝ այսօր համացանցում տեղեկություններ տարածվեցին, որ ՀՀ առողջապահության նախարար Արսեն Թորոսյանը պաշտոնից ազատման դիմում է ներկայացրել։ Այս խոսակցությունները սկսեցին շրջանառվել, երբ հայտնի դարձավ, որ նախարարը ապաակտիվացրել է ֆեյսբուքյան իր էջը։
«Տեղեկատվության ստուգման կենտրոնից» հայտնում են, որ տարածվող տեղեկատվությունը չի համապատասխանում իրականությանը։ Այս լուրին արձագանքել է թե՛ Առողջապահության նախարարության մամուլի խոսնակ Ալինա Նիկողոսյանը՝ հայտնելով, որ Արսեն Թորոսյանն աշխատավայրում է, և թե՛ վարչապետի խոսնակ Մանե Գևորգյանը՝ նշելով, որ նախարարի ազատման մասին լուրը չի համապատասխանում իրականությանը։
