Արցախի Հանրապետության առողջապահության նախարար Արարատ Օհանջանյանը օգոստոսի 19-ին ընդունել է Արցախում Կարմիր խաչի միջազգային կոմիտեի /ԿԽՄԿ/ առաքելության նորանշանակ ղեկավար Բերտրան Լամոնին:
Նախարարը շնորհավորել է Բերտրան Լամոնին պատասխանատու պաշտոնի ստանձնման կապակցությամբ՝ բարձր գնահատելով ԿԽՄԿ-ի առաքելությունը Արցախի Հանրապետության առողջապահության ոլորտում:
Շնորհակալություն հայտնելով շնորհավորանքի ու ջերմ ընդունելության համար՝ Բերտրան Լամոնը պատրաստակամություն է հայտնել շարունակել ձևավորված համագործակցությունը:
Հանդիպման ժամանակ Կարմիր խաչի միջազգային կոմիտեի առաքելության ներկայացուցիչները նախարարին են ներկայացրել ոլորտում իրականացված ծրագրերը: ԿԽՄԿ առաքելությունը COVID-19-ի կանխարգելման ուղղությամբ իրականացրել է մի շարք ծրագրեր:
Կառույցը վերանորոգել, կահավորել ու բարձրակարգ բժշկական սարքավորումներով համալրել է Հադրութի շրջանային բուժմիավորման անհետաձգելի բուժօգնության բաժանմունքը: Ի դեպ նմանատիպ բաժանմունքի կառուցման աշխատանքներ սկսվել են նաև Մարտակերտի շրջանային բուժմիավորումում:
Հանդիպման ավարտին Արարատ Օհանջանյանը շնորհակալություն է հայտնել Կարմիր Խաչի միջազգային կոմիտեի ներկայացուցիչներին համագործակցության համար և վստահեցրել, որ այն կլինի շարունակական:
📣Արցախի Հանրապետության առողջապահության նախարար Արարատ Օհանջանյանը օգոստոսի 19-ին ընդունել է Արցախում Կարմիր խաչի...
Опубликовано Արցախի Հանրապետության Առողջապահության Նախարարություն/MOH of Artsakh Rep. Среда, 19 августа 2020 г.