Ինչպես տեղեկացավ InterLur.com լրատվական գործակալությունը Արարատի մարզպետարանի լրատվության բաժնից՝ Լանջազատում ավարտվել են համայնքի Եղիշե Չարենց և Ծովակալ Իսակով փողոցների գազաֆիկացման աշխատանքները: Աշխատանքներն իրականացվել են համայնքների տնտեսական և սոցիալական զարգացմանն ուղղված Կառավարության 2020 թվականի սուբվենցիոն ծրագրով: Ծրագրի պայմանագրային արժեքը կազմել է 8.076.000 ՀՀ դրամ, որից 50%-ը տրամադրել է ՀՀ կառավարությունը, 50 %-ը՝ համայնքը: