«Հայաստան» համահայկական հիմնադրամի կողմից հավաքագրված և ՀՀ պետական բյուջե փոխանցված միջոցների օգտագործումն ուսումնասիրող ԱԺ-ի քննիչ հանձնաժողովի անդամների թվի սահմանման նախագիծը 25 կողմ, 1 ձեռնպահ ձայներով չընդունվեց։
«Քաղաքացիական պայմանագիր» խմբակցության քարտուղար Նազելի Բաղդասարյանը վարման կարգի վերաբերյալ ձայն խնդրեց և ասաց, որ «Քաղաքացիական պայմանագիր» խմբակցությունը այս նախաձեռնությանը կողմ չէր կարող քվեարկել, որովհետև հստակորեն սա ԱԺ-ի իրավասություններից դուրս է։
«Ես ևս մեկ անգամ խնդրում եմ՝ մեր ընդդիմադիր գործընկերներին հաշվի առնել, որ այն լիազորությունները, որոնք տրված են ԱԺ-ին և եթե նրանք վկայակոչում են դատական օրենսգրքի որևէ հոդվածի անկատարություն, ապա այս պարագայում կարող են օրենսդրական վերահսկողություն սահմանեն և այնուամենայնիվ որևէ կերպ չառնչվեն քննիչ հանձնաժողովների գործառույթներին։ Ես ուզում եմ նշել, որ քվեարկության մասնակցությունը կարող էր ստեղծել վատ նախադեպ, ինչին մենք չենք կարող մասնակից դառնալ»,-ասաց Նազելի Բաղդասարյանը։