«Քաղաքացիական գիտակցություն» ՀԿ-ի նախագահ Նարեկ Սամսոնյանը հարուցված քրեական գործի շրջանակում բերման է ենթարկվել ոստիկանության Նոր Նորքի բաժին:
«Արմենպրես»-ի հետ զրույցում այս մասին հայտնեցին ՀՀ ոստիկանության հասարակայնության հետ կապի և լրատվության վարչությունից: Ոստիկանությունից նշեցին, որ նրան ներկայացրել են նախաքննական մարմին, սակայն թե ինչ քրեական գործով է նա բերման ենթարկվել, չմանրամասնեցին:
ԹԱՐՄԱՑՈՒՄ. «Քաղաքացիական գիտակցության» ՀԿ նախագահ Նարեկ Սամսոնյանը տեղափոխվել է Ձերբակալվածների պահելու վայր։ Այդ մասին ֆեյսբուքյան գրառմամաբ տեղեկացրել է փաստաբան Ռուբեն Մելիքյանը։
Ավելի ուշ հայտնի դարձավ, որ Նարեկ Սամսոնյանը ձերբակալվել է։ Նրան մեղադրանք է առաջադրվել ՀՀ քրեական օրենսգրքի 137.1 հոդվածի երրորդ մասի հատկանիշներով (Ծանր վիրավորանքը, որը կատարվել է միևնույն անձի նկատմամբ պարբերաբար):
