Կենտրոնական ընտրական հանձնաժողովի գործունեության հիմնական սկզբունքներն են թափանցիկությունն ու հրապարակայնությունը, ուստի հանձնաժողովը հակված է համագործակված աշխատել բոլոր քաղաքական ուժերի հետ։ Ազգային ժողովում եզրափակիչ իր ելույթում այս մասին ասաց ԿԸՀ նախագահ Տիգրան Մուկուչյանը։
«ԿԸՀ-ն միշտ ու հետայսու հակված է համագործակցված աշխատանքի բոլոր քաղաքական ուժերի և նրանց ներկայացուցիչների հետ։ Գերնպատակը մեկն է, որպեսզի ընտրական գործընթացում, հատկապես կայացվելիք որոշումները լինեն կոնսեսուսի արդյունքում, որպեսզի քաղաքական ուժերի համար որոշումները լինեն տեսանելի, ընկալելի և հարցեր չառաջացնեն։ Այս գործելաոճով աշխատել ենք 2021 թվականին և այս գործելաոճը լինելու նաև ապագայում»,- ընդգծեց Մուկուչյանը։
ԿԸՀ նախագահը շատ կարևոր է համարում, որպեսզի ընտրական գործընթացի ընթացքում ցանկացած իրավախախտում ստանա իր արժանի գնահատականը, դառնա քննության առարկա և քննվի մինչև վերջ, ինչը, ըստ Մուկուչյանի, լավագույն մեխանիզմն է հետագայում նմանատիպ երևույթների կանխարգելման ուղղությամբ։
«Այս առումով ակնկալում եմ, որ կունենանք համագործակցություն Ազգային ժողովի հետ, հատկապես ներկայացված առաջարկների և նրանց քննարկման համատեքստում»,- եզրափակեց Մուկուչյանը։
