«Այդ թեման այս պահին չեմ մեկնաբանում». «Իմ քայլը» խմբակցության ղեկավար Լիլիթ Մակունցը լրագրողների բազմաթիվ հարցերին ի պատասխան այսպես արձագանքեց ԱԺ պատգամավոր Արսեն Ջուլֆալակյանի հայտարարությանը՝ մանդատը վայր դնելու մասին:
Խմբակցության ղեկավարը հրաժարվեց պատասխանել հարցերին՝ արդյոք Ջուլֆալակյանի հետ քննարկում, զրույց ունեցել է, արդյոք խմբակցությունում էլի կան Կառավարության անդամների աշխատանքից դժգոհներ:
«Երբ անհրաժեշտություն լինի մեկնաբանության՝ անպայման կտեղեկացնեմ»,- միայն ասաց նա՝ հավելելով, որ այս պահին պետք է ընդամենը ի գիտություն ընդունել Ջուլֆալակյանի հայտարարությունը:
