Գեղարքունքի մարզում, և ընդհանրապես Սոթք-Խոզնավար հատվածում ստեղծված իրադրության հետ կապված մենք մեր դիրքորոշումը ասել ենք. խնդիրը պետք է լուծվի խաղաղ ճանապարհով և միրջազգային մեր գործընկերներ ներգրավմամբ:
Ճամբարակում քարոզարշավի ժամանակ այս մասին խոսեց Նիկոլ Փաշինյանը
«Այս օրեին մենք ակտիվ համագործակցության և քննարկումների մեջ ենք ՌԴ գործընկերների հետ: Նրանք լայնորեն ներգրավված են: Քայլ-քայլ գնում ենք այդ խնդրի հանգուցալուծմանը:
Աշխատում ենք նաև միջազգային մեջ գործընկերների՝ ԵԱՀԿ ՄԽ համանախագահության շրջանակներում ևս: Բայց մենք մեր անվտանգային խնդիրները պետք է լուծենք պրոֆեսիոնալ բանակի ստեղծմամբ: Պայմանագրայինը պրոֆեսիոնալը չէ»,-ասաց Փաշինյանը:
Քարոզարշավի ժամանակ նաև եղավ անդրադարձ քաաղքական ուժերի կողմից հնչող արտահայտություններին ու կարծիքներին, ընտրակաշառիքն ու պատասխանատվությանը:
«Նրանք մեզ ու ձեզ ասում էին «ժեխ»: Հունիսի 20-ին մենք պետք է գնանք ընտրատեղամաս և ցույց տանք, թե ով է «ժեխը» էս հանրապետությունում, էդ բոլոր «ժեխերին» պետք է ցույց տանք իրենց տեղը ՀՀ-ում, և դա պետք է անի Հայաստանի հպարտ, ազատ, արժանապատիվ քաղաքացին: Հունիսի 21-ին բոլորիդ հրավիրում եմ Հանրապետության հրապարակ՝ արձանագրելու ոչ բռնի, պողպատյա հեղափոխության հաղթանակը»,-ասաց Փաշինյանը: