«2020 թվականի իրադարձությունները ցույց տվեցին, որ մենք ամբողջությամբ ապակուսակցականացվել էինք բուհերի համակարգից։ Ու պարզվեց, որ բուհերի 90 տոկոսը թաքնված կուսակցականներ են։ Մեր պետականության համար ամենադժվար պահին բուհական համակարգը նետվում էր մեր հայտնի ընդդիմադիրների գիրկը՝ մտածելով, որ իշխանությունը փլուզվում է, գնան, տեղավորվեն այնտեղ, որտեղ տեղավորված էին 2000-ականներին։
Հիմա, երբ Սուրեն Պապիկյանը դառնում է ԵՊՀ խորհրդի նախագահ, ինքը հենց գնում է բուհական համակարգի ապակուսակցականացումը երաշխավորելու համար։ Մեր պետության համար կարևոր պահին շատ մարդիկ հակապետական գործունեությամբ հանդես եկան ու մեր տված շանսը չօգտագործեցին։ Մենք չենք գնում բուհական խորհուրդներ կուսակցականացնելու, գնում ենք մեր ապակուսակցականացման սկզբունքը պահելու համար»,- ասաց Փաշինյանը։
Նիկոլ Փաշինյանի խոսքով՝ 2018 թվականից հետո և՛ բուհական համակարգին, և՛ դիվանագիտական համակարգին տրվել է 100 տոկոսանոց ազատություն:
