«Կառավարությունը այս աշխատանքային խմբի գործունեության մետ տեսնում է լրջագույն հնարավորություն ճեղքելու ՀՀ շուրջ 30 տարի շարունակվող շրջափակումը»,- այս մասին այսօր խորհրդարանում հայտարարեց ՀՀ վարչապետ Նիկոլ Փաշինյանը անդրադառնալով եռակողմ վարչապետերի մակարդակով ձևավորված աշխատանքային խմբի գործունեության ակտիվացմանը նշելով, որ սա ամենևին էլ պարզ գործընթաց չէ:
Եվ այն սրվում է ինչ որ միջանցքների մասին ադրբեջանական կողմի ապակառուցողական կամ սադրիչ հայտարարություններով: Բազմիցս ասել եմ, որ ոչ նոյեմբերի 9-ի եռակողմ հայտարարության վերաբերելի հոդվածներում, ոչ հունվարի 11-ի հայտարարության մեջ, որն ամբողջությամբ կոմունիկացիաների բացման մասին է, որևէ արտահայտություն, հղում, ձևակերպում չկա Հայաստանի տարածքով միջանցքի ստեղծման մասին:
Վարչապետն հայտարարեց, որ խոսքն ուրիշ բանի մասին է: «ԻՆչպես Հյաաստանը Ադրբեջանի տարածքով պիտի ճանապարհ ստանա ՌԴ, Իրանի Իսլամական Հանրապետության հետ տրանսպորտային հաղորդակցության համար, այնպես էլ Ադրբեջանը Հյաստանի տարածքով պետք է ճանապարհ ստանա իր` արևմտյան շրջանների Նախիջևանի հետ տրանսպորտային կոմունիկացիոն հաղորդակցության համար»:
Փաշինյաննն ասաց,որ երբեք չեն հերքել և չեն հերքում, որ կոմունիկացիաների բացումը որոշակի ռիսկեր պարունակում է:
