Ինչպես արդեն տեղեկացրել էինք։ Այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, մեզ համար անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել: Հայկական կողմից կորուստներ չկան:

Ավելի ուշ Ադրբեջանի Թուրան լրատվական գործակալությունը հղում կատարելով  ԱՀ ՊՆ պաշտոնական հաղորդագրությանը, պնդել էր որ իբր հայկական կողմն է խախտելով կրակի դադարեցման ռեժիմը  հրետանային կրակ բացել, ըստ ադրբեջանական կողմի կողմերը կորուստներ են կրել։

Հենց նոր պաշտոնական բաքվի խոսափող haqqin.az-ի տեղեկություններով վերը նշված մարտական գործողությունների հետևանքով ադրբեջանական կողմը կորուստներ է կրել, այդ թվում զինվորներ և սպաներ։ Ըստ հաղորդագրության զոհվել է 2, և վիրավորվել 5 զինծառայող։ ԱՀ ՊՆ-ն պաշտոնական ցավակցություն է հայտնել զոհվածների հարազատներին ու ընտանիքներին։ Հայկական կողմի կորուստների մասին Ադրբեջանի ՊՆ-ն ոչինչ չի հաղորդում։