Սիրիայի Արաբական Հանրապետության Նավթի և հանքային ռեսուրսների նախարար Ալի Գանեմը հայտարարել է, որ Դամասկոսի նահանգի Ադ-Դմեյր և Ադրա միջև ընկած գազատարի վրա տեղի ունեցած պայթյունը ահաբեկչական գործողություն է: Այս մասին հայտնում է Սիրիայի Արաբական Հանրապետության Տեղեկատվության նախարարությանը պատկանող պետական "Սիրիայի Արաբական լրատվական SANA գործակալություն"-ը։
Գանեմը SANA գործակալությանը տված հարցազրույցում ասել է, որ հրշեջները արդեն մարել են կրակը: Նրա խոսքով՝ խողովակաշարի վնասված հատվածը գտնելու և փոխարինելու համար պայթյունի վայր են ժամանել հատուկ սարքավորումներ:
Իր հերթին էլեկտրաէներգիայի նախարար Մուհամմադ Զուեր Հարբութլին ասել է, որ էլեկտրաէներգիայի մատակարարումը վերականգնվել է Դամասկոսի որոշ կենսական նշանակության օբյեկտներում, ինչպիսիք են հիվանդանոցները և որոշ բնակելի վայրեր: Նաև ժամանակավոր հիմունքներով էլեկտրաէներգիան վերականգնվել է Հոմսի և Համայի նահանգներում և ծովափնյա շրջանում: