Վարչապետ Նիկոլ Փաշինյանը դեկտեմբերի 28-ին աշխատանքային այցով կմեկնի Ռուսաստանի Դաշնություն: Կառավարության ղեկավարը Սանկտ Պետերբուրգում կմասնակցի ԱՊՀ մասնակից պետությունների ղեկավարների ոչ պաշտոնական հանդիպմանը, որի ընթացքում կլինեն շփումներ նաև Ադրբեջանի նախագահ Իլհամ Ալիևի հետ։
Այդ մասին ավելի վաղ հայտնել է Նիկոլ Փաշինյանը դեկտեմբերի 24-ին հրավիրված ասուլիսին՝ անդրադառնալով այն հարցին, թե արդյոք այդ գագաթնաժողովին հնարավոր է հանդիպում Ադրբեջանի նախագահի հետ։
«Դեկտեմբերի 28-ին է նախատեսված այդ գագաթնաժողովը, այո, մասնակցելու եմ։ Այս պահին պաշտոնական երկկողմ հանդիպման առաջարկ չկա, բայց Ադրբեջանի նախագահի հետ շփում կլինի։ Պաշտոնական բանակցության առաջարկ այս պահին չենք ստացել։ Գագաթաժողովը ոչ ֆորմալ է, հետևաբար շփումները նույնպես ոչ ֆորմալ են»,-ասել է Նիկոլ Փաշինյանը։
