Հայկական հանձնաժողովի նախագահ, փոխվարչապետ Մհեր Գրիգորյանը հայտնել է, որ Մոսկվայում Հայաստանի, Ռուսաստանի և Ադրբեջանի փոխվարչապետների համատեղ նախագահությամբ տեղի կունենա եռակողմ աշխատանքային խմբի նիստ՝ տարածաշրջանում տրանսպորտային և տնտեսական կապերի ապաշրջափակման հարցերով։
Հայաստանի փոխվարչապետ Մհեր Գրիգորյանը ՏԱՍՍ-ի թղթակցի հետ զրույցում նշել է, որ կառուցողական է համարում Հայաստանի և Ադրբեջանի ազգային հանձնաժողովների՝ սահմանների սահմանազատման և անվտանգության հարցով հանձնաժողովների առաջին նիստը, որը տեղի ունեցավ մայիսի 24-ին երկու երկրի սահմանին։
Գրիգորյանը նշել է, որ եկող շաբաթ սպասվում է հարցի վերաբերյալ երկրորդ հանդիպումը: «Հանդիպման կոնկրետ ժամկետն այժմ համաձայնեցման փուլում է, օրակարգում ներառված են Հայաստանի, Ռուսաստանի և Ադրբեջանի ղեկավարների 2020 թվականի նոյեմբերի 9-ի (10) եռակողմ հայտարարության 9-րդ կետում ամրագրված պայմանավորվածությունների և 2021 թվականի հունվարի 11-ի հայտարարության իրականացման հարցերը: Այս օրակարգը սահմանազատման հետ կապ չունի»,- հավելել է փոխվարչապետը։
9-րդ կետը վերաբերում էր տարածաշրջանում բոլոր տնտեսական և տրանսպորտային կապերի ապաշրջափակմանը, իսկ հունվարի 11-ի հայտարարությունը այդ կետի իրագործման համար առաջարկվող քայլերի հերթականություն էր ենթադրում:
