ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնն ապրիլի 20-ից 22-ը 6 ահազանգ է ստացել հանրապետության տարբեր տարածքներում արգելափակված ավտոմեքենաների վերաբերյալ:

Ինչպես տեղեկացրին ՀՀ ԱԻՆ-ից, ահազանգներն ստացվել են Երևանից, Արագածոտնի մարզի Ապարան, Կոտայքի մարզի Հրազդան քաղաքներից և Զովաշեն գյուղից:

Ըստ աղբյուրի՝ դեպքի վայր ժամանած փրկարարներն արգելափակումից դուրս են բերել 6 ավտոմեքենա և 7 քաղաքացու ցուցաբերել համապատասխան օգնություն: