Ըստ ոստիկանության օպերատիվ հաղորդագրությունների ամփոփագրերի՝ մայիսի 23-ից 24-ը Հայաստանի Հանրապետության ոստիկանության ստորաբաժանումները բացահայտել են հանցագործության 53 դեպք, որից 2-ը՝ նախկինում կատարված։
Մասնավորապես՝ անձնական ունեցվածքի գողության` 11, մարմնական վնասվածք պատճառելու՝ 10, ծանր վիրավորանքի՝ 8, խարդախության և ընտանեկան բռնության՝ 5-ական, թմրամիջոցի հայտնաբերման՝ 2, բռնաբարության կամ բռնաբարության փորձի, բնակարանային գողության, յուրացնելու կամ վատնելու, պաշտոնեական կեղծիքի կամ անփութության, սպանության սպառնալիքի, երեխային դաստիարակելու պարտականությունը չկատարելու, մարդու թրաֆիքինգի և շահագործման, թմրանյութի ապօրինի շրջանառության, թմրանյութի մաքսանենգության և թմրանյութի իրացման՝ 1-ական դեպք։
Հայտնաբերվել է 2 անհետ կորած, 3 հետախուզվող, կամավոր ներկայացել է 3 հետախուզվող։
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության 2 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար. 21 մարդ ստացել է տարբեր աստիճանի մարմնական վնասվածքներ:
***
Մարտի 22-ին, ժամը 19.10-ին, Երևանի Գևորգ Չաուշի փողոցում «ԲՄՎ» մակնիշի ավտոմեքենան բախվել է ճաղավանդակներին և էլեկտրասյանը. 24-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 12.15-ին, Երևանի Բեկնազարյան փողոցում «Շեվրոլե» մակնիշի ավտոմեքենայի վարորդը վրաերթի է ենթարկել 75-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 22-ին, ժամը 21.40-ին, Երևանի Բաղրամյան պողոտայի և Դեմիրճյան փողոցի խաչմերուկում իրար են բախվել «Մերսեդես» և «ՎԱԶ-2106» մակնիշի ավտոմեքենաներ. «ՎԱԶ-2106»-ի 25-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց։
Կատարվում է քննություն:
***
Մայիսի 23-ին, ժամը 15.30-ին, Հայաստանի Ամերիկյան համալսարանի մոտ «Հունդաի» մակնիշի ավտոմեքենայի վարորդը վրաերթի է ենթարկել 19-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 22-ին, ժամը 08.00-ին, Երևանի Մայրաքաղաքային փողոցում «Դեու Նեքսիա» մակնիշի ավտոմեքենան բախվել է ճանապարհի բաժանարար գոտուն. 39-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 22-ին, ժամը 20.55-ին, Երևանի Սեբաստիայի և Տիչինայի փողոցների խաչմերուկում իրար են բախվել «Նիսան» և «ՎԱԶ-21099» մակնիշի ավտոմեքենաներ. «ՎԱԶ-21099»-ի 40-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 15.05-ին, Երևանի Նելսոն Ստեփանյան փողոցում «Կիա» մակնիշի ավտոմեքենայի վարորդը վրաերթի է ենթարկել 29-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 18.45-ին, Երևանի Մյասնիկյան պողոտայում մոտոցիկլետը բախվել է անհայտ ավտոմեքենայի. 30-ամյա մոտոցիկլավարը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 12.30-ի սահմաններում, Երևան-Երասխ ճանապարհի 29-րդ կմ-ին «Կիա» մակնիշի ավտոմեքենան դուրս է եկել երթևեկելի գոտուց և հայտնվել դաշտում. 27-ամյա վարորդը և երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 24-ին, ժամը 01.00-ի սահմաններում, Երևան-Երասխ ճանապարհի 29-րդ կմ-ին իրար են բախվել «ՎԱԶ-2121» և «Մերսեդես» մակնիշի ավտոմեքենաներ. «Մերսեդեսի» 48-ամյա վարորդին շտապօգնության բրիգադը ցուցաբերել է բուժօգնություն:
Կատարվում է քննություն:
***
Մայիսի 23-ին, ժամը 08.50-ի սահմաններում, Երևան-Երասխ ճանապարհի 9-րդ կմ-ին՝ Այնթապ գյուղի հատվածում, իրար են բախվել «Մազդա», «Նիսան» և «Օպել» մակնիշի ավտոմեքենաներ. «Օպելի» 35-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 13.30-ի սահմաններում, Էջմիածին քաղաքի Չարենցի թաղամասում «Օպել» մակնիշի ավտոմեքենայի վարորդը վրաերթի է ենթարկել 3-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 15.40-ի սահմաններում, Երևան-Սևան ճանապարհի 10-րդ կմ-ին իրար են բախվել «Յութոնգ» և «Մերսեդես» մակնիշի ավտոմեքենաներ. «Յութոնգի» 20-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 15.15-ի սահմաններում, Գյումրիի Երևանյան խճուղում «Դոջ» մակնիշի ավտոմեքենայի վարորդը վրաերթի է ենթարկել 13-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 23-ին, ժամը 05.30-ի սահմաններում, Երևան-Մեղրի ճանապարհի 339-րդ կմ-ին «ՄԱՆ» բեռնատարը դուրս է եկել երթևեկելի մասից, բախվել հողաթմբին և կողաշրջվել. 39-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: