Կարեն Դեմիրճյանի անվան Երևանի մետրոպոլիտենի մամուլի խոսնակ Տաթև Խաչատրյանը տեղեկացնում է, որ ընդդիմադիրների գործողությունների հետևանքով կաթվածահար է եղել Երևանի մետրոպոլիտենի բնականոն երթևեկությունը։
«Մետրոպոլիտենի «Երիտասարդական» կայարանում քաղաքացիներն իրականացրել են անհնազանդության ակցիա՝ խափանելով մետրոպոլիտենի երթևեկությունը։
Այս պահին մետրոպոլիտենի բոլոր կայարանների դռները փակ են՝ կուտակումներ չառաջացնելու նպատակով։ Բնականոն աշխատանքին անցնելուն պես կտրվի լրացուցիչ ինֆորմացիա»,- տեղեկացրել է Խաչատրյանը:
ԹԱՐՄԱՑՈՒՄ. Կարեն Դեմիրճյանի անվան Երևանի մետրոպոլիտենի մամուլի խոսնակ Տաթև Խաչատրյանը հայտնել է, որ այս պահին Երևանի մետրոպոլիտենի բոլոր կայարանների մուտքերի դները բաց են:
«Մետրոպոլիտենի գնացքներն աշխատում են գրաֆիկի համաձայն»,- հայտնել է Խաչատրյանը:
