«Դիմադրություն» շարժման մասնակիցներն այսօր Ֆրանսիայի հրապարակից երթով շարժվել են Բարձրագույն դատական խորհուրդ՝ աջակցելու զոհված զինծառայողների հարազատներին։ Զոհվածների ծնողները պահանջում էին, որպեսզի ՀՀ վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունն անցնի դռնբաց։ ԲԴԽ-ի ներկայացուցիչն առաջարկել էր 5 հարազատ վերև բարձրանա, սակայն ծնողները պահանջել էին, որ նրանք ներքև իջնեն և զրուցեն բոլորի հետ։ Ավելի ուշ, նրանց պահանջը մասամբ բավարարվել էր, և 30 ծնող ներս էր մտել ԲԴԽ նախագահի պաշտոնակատար Գագիկ Ջհանգիրյանի հետ հանդիպելու:
Հանդիպումը ընթացել է առանց լրատվամիջոցների ներկայության: