Թբիլիսիի ինֆեկցիոն հիվանդանոցի բժշկական տնօրեն, Մարինա Էզուգբաիայի տեղեկությամբ, այս պահին կովիդ կենտրոններում և հյուրանոցային համալիրներում բուժվում է 1981 պացիենտ: Այս մասին հայտնում է 1tv.ge-ն։
Նրա խոսքով, միայն կովիդ կենտրոններում գտնվում է 836 վարակակիր, նրանցից մոտ 80-ի վիճակը ծանր է, իսկ 14-ի վիճակը ծայրահեղ ծանր: Մնացած հիվանդների առողջական վիճակը գնահատվում է միջին:
Ինչ վերաբերում է Թբիլիսիի ինֆեկցիոն հիվանդանոցի տվյալներին, ապա մեկ հիվանդ հիվանդանոցից տեղափոխվել է հյուրանոց: Ըստ Էզուգբաիայի, ներկայումս կլինիկայում գտնվում է 34 հիվանդ, նրանցից մեկի վիճակը ծայրահեղ ծանր է, իսկ երկուսինը ծանր:
Հիշեցնենք որ Վրաստանում այսօր արձանագրվել է կորոնավիրուսով վարակման 196 նոր դեպք:
Այսպիսով, այս պահի դրությամբ Վրաստանում հաստատված է նոր կորոնավիրուսի 3 502 դեպք:
Ապաքինվածների քանակը ավելացել է 13-ով և կազմել 1 494։
Կորոնավիրուսի հետևանքով մահացել է 19 մարդ։
Կարանտինի ռեժիմում գտնվում է 5014 քաղաքացի, իսկ ստացիոնարում դիտարկման տակ է 836 մարդ:
Բացի այդ, արտասահմանից բուժման նպատակով Վրաստան է տեղափոխվել 41 քաղաքացի: