Այս մասին «Արցախպրես»-ի թղթակցին տեղեկացրեց ԱՀ Քաղաքաշինության նախարարության մամուլի քարտուղար Մարթա Դանիելյանը:

«Բնակելի շենքի վերակառուցման աշխատանքներն ընթացքի մեջ են։ Ըստ նախատեսվածի՝ վերակառուցվող շենքը բաղկացած կլինի 2 մասնաշենքից` 30 բնակարաններով, որոնցից 22-ը կլինի 2 սենյականոց, իսկ 8-ը` 3 սենյականոց։

Մասնաշենքերը կունենան 2 վերգետնյա և 1 ստորգետնյա հարկ։ Գործընթացն իրականացվում է «Հայաստան» համահայկական հիմնադրամի ֆինանսավորմամբ: Կապալառուն «Շինվեր պլյուս» ՍՊ ընկերությունն է», - նշեց Մ. Դանիելյանը:

Կապալառու ընկերության գլխավոր ինժեներ Կամո Հակոբյանն ասաց, որ բնակարանները կհանձնվեն շահառուներին 2022թ.-ի սեպտեմբերին: «Առաջին կորպուսի արտաքին հարդարումն ավարտված է, պատուհանները և տանիքը տեղադրված են:

Շարունակում ենք ներքին հարդարման աշխատանքները: Երկրորդ կորպուսի նկուղային հարկը ձևափոխում ենք ապաստարանի և կատարում ենք շենքի ամրացման աշխատանքներ», - տեղեկացրեց նա։