Մեր հերթական թիրախը դարձավ հարևանների կապի խոշորագույն օպերատոր AzerTelecom-ը,- հաղորդել է «Մոնթե Մելքոնյան» կիբերբանակը։
Կից ներկայացնելով տվյալների շտեմարան՝ բանակը նշել է․ «Այստեղ ներկայացվող տվյալները ընդամենը փոքր (5GB) մասն են այն տեղեկատվության, որը մեզ հաջողվել է ձեռք բերել AzerTelecom-ից»։
Հիշեցնենք, որ սեպտեմբերի 27-ի առավոտյան Արցախի վրա հարձակում սկսելով՝ Ադրբեջանը հարձակումների թիրախում է պահել նաև հայկական համացանցային տիրույթը։ Ինչպես և առաջնագծում, հայկական կողմն այս տիրույթում ևս շատ արագ կազմակերպվել է, հետ մղել հարձակումն ու անցել հակահարձակման՝ օրեր շարունակ իր ձեռքում՝ կոտրած պահելով Ադրբեջանի նախագահի ու պաշտպանության նախարարության կայքերը, այլ ռազմավարական նշանակության տեղեկատվական հարթակներ։