Այցի շրջանակներում եղել են, Իշխանաձորի գյուղական բժշկական ամբուլատորիայում, Կովսականի տեղամասային հիվանդանոցում, ինչպես նաև Քաշաթաղի շրջանային բուժմիավորումում և շրջանի բժշկասանիտարական հսկիչ կետերում:
Նախարար Օհանջանյանը ծանոթացել է բուժհաստատությունների շենքային պայմաններին, սարքավորումների հագեցվածությանը, դեղորայքի ապահովվածությանը:
Բուժհաստատություններում կազմակերպվել են աշխատանքային խորհրդակցություններ բժիշկների ու պատասխանատուների մասնակցությամբ, քննարկվել են առկա խնդիրները՝ ուղղված կադրային ապահովվածության, մասնագետների վերապատրաստման, սարքավորումներով համալրման, աշխատավարձերի բարձրացման և այլ բազմաթիվ ներքին գործառույթների:
Արարատ Օհանջանյանը լսել է ներկաներին և բարձրացված բոլոր հարցերին տվել պարզաբանումներ, հայտնել իր պատրաստակամությունն աջակցելու առաջացած խնդիրներին` հավաստիացնելով, որ շրջանային բուժմիավորումները մշտապես կլինեն նախարարության ուշադրության կենտրոնում:
Քաշաթաղի շրջանային բուժմիավորումում խորհրդակցությանը մասնակցում էր նաև վարչակազմի ղեկավար Արտյոմ Սարիբեկյանը, ով նույնպես իր պատրաստակամությունն է հայտնել աջակցել մասնագետներին` ուղղված բնակարանային պայմաններով ապահովվմանը:
📣Արցախի Հանրապետության առողջապահության նախարար Արարատ Օհանջանյանն աշխատանքային խմբով օգոստոսի 21-ին այցելել է Քաշաթաղի...
Опубликовано Արցախի Հանրապետության Առողջապահության Նախարարություն/MOH of Artsakh Rep. Суббота, 22 августа 2020 г.