Կատալոնական «Բարսելոնայի» ղեկավարությունը փոխարինող է փնտրում թիմի գլխավոր մարզիչ Էնրիկե Սետիենին, որը առաջիկա ժամերի ընթացքում պաշտոնապես կլքի զբաղեցրած պաշտոնը:
Mundo Deportivo-ի հաղորդմամբ՝ «Բարսելոնան» բանակցում է «Տոտենհեմի» նախկին գլխավոր մարզիչ Մաուրիսիո Պոչետինոյի, Նիդերլանդների հավաքականի գլխավոր մարզիչ Ռոնալդ Կումանի և ակումբի լեգենդար ֆուտբոլիստ, «Ալ Սադի» գլխավոր մարզիչ Չավիի հետ:
«Բարսելոնայի» նախագահ Խոսեպ Մարիա Բարտոմեուն նախապատվությունը տվել է Մաուրիսիո Պոչետինոյին, սակայն նրա պահանջած աշխատավարձի չափն ընդունելի չի եղել կատալոնական թիմի համար:
Նշվում է, որ այժմ «Բարսելոնան» գլխավորելու հիմնական թեկնածուն Ռոնալդ Կումանն է:
Ավելի վաղ «Բարսելոնայի» նախագահ Խոսեպ Մարիա Բարտոեմուն հայտարարել էր ակումբի գլխավոր մարզիչ Էնրիկե Սետիեն պաշտոնանկության մասին:
